慳D啦honey – 你揀人，人揀你篇

唔知大家睇完星期一果集後有無發現，Pico好似無咁受歡迎。而健健，Edwin就好受女仔歡迎。

• Pico最吸引人的不是他的外貌，而係那一份心。哩樣野係好難係短短10-20分鐘去表達出黎，更唔好講要知道佢為人…..(題外話:如果Pico去 speed dating真係蝕低死。)

但大家見到Pico同Vera時，唔係都覺得Pico係一個好老公?而見到健健、Edwin時，都覺得佢地相對地無Pico咁好咩?

問題出現了，究竟邊個好?

其實係比賽入面，Crushy已經講左答案: “如果係揀女朋友，就係肥媽。如果係簡老婆，一定係小龍女。”

無錯，你覺得你係揀緊老公定係男朋友?

Pico唔係一個好好既男朋友，但佢係一個好老公。

-佢唔識得講太多甜言蜜語

-佢唔識得點同陌生人傾計

-佢講埋好多無理頭理論

-佢好毒(係屋企跳AKB，小程聽到真係OMG….)

但點解大家都仲覺得Pico好呢? 因為大家係比賽入面見到Pico點去對Vera。

- Vera發牌氣時，Pico會忍讓

- Pico平日點去愛鍚Vera

- Vera畏高時，Pico點去安慰佢

- Vera平日既生活可以好放鬆，因為有Pico幫佢打點生活

- Pico會好主動去感謝老婆，去錫老婆

睇到哩度，再問自己一次，你想要一個老公定男朋友?

大家其實都想找一個老公，一個相處一世的人。但我們往往選擇去相信那些匆匆忙忙的約會。男朋友既優點好容易扮，一個短短既約會，要隱藏不太難。但一個好老公既優點，就唔係咁易見到了……..所以搵一個對的人不應該如此。

而哩個正正就是現今都市人「速食文化」既弊病。要參加者係短短幾分鐘選擇自己下半生的伴侶。哩個文化令大家太易被表面因素吸引到。而往往忽略了關係入面最重要的那份心意。

大家都想搵個老公，但用左搵男朋友既條件，令到目標好難達到…..

其實人人都有缺點。大家都不見得係完美。而且，更重要既係，你可以選擇的才是選擇；無人揀你既話，你其實係無選擇。唔好比自己既自尊心將其他人推開同埋限制自己既可能性。

香港比人生活單一感覺的原因就係大部分人都係行街睇戲食飯。我地都應該學習認識新朋友，唔單止係認識單一個人，仲有佢既朋友。學習去參加唔同類形既活動，同其他人相處，令自己世界變我豐富起來。

“人人都控訴著生活單一，但只懂默默去承受不去改變。”

但其實除此之外，你還可以去旅行、行山、踩單車或露營等等的方法去體驗另一種生活，去認識另一班人，去感受一個全新的經歷。

“生活並不單一，單一只是我們”

當你學識勇敢地去面對新生活，對新事物好奇，放下身段去與不同的人接觸時，你才會比其他人更容易找出心中所愛。

“每滴眼淚掙脫後 都帶走懦弱 感動總在衝動後 苦澀回憶 都會溫柔”

試諗下，如果你一開始見到Pico時，就覺得哩個人又悶，又毒，你覺得佢襯唔起你，今日你會有幾後悔?

而架拍緊拖既朋友，亦希望你地記住，你的另一半都可以成為Pico， Vera，問題係…..你可以做到Pico或Vera咁去愛對方嗎?

“世上沒有最好的另一半，只有最合適的另一半”

------------------------------------------------------------------ 網頁:http://datetripasia.wix.com/info

FB: https://www.facebook.com/datetripasia/ IG: https://www.instagram.com/datetripasia/ 電話/WhatsApp: 5536 - 2249 ------------------------------------------------------------------- ‪#‎speeddating‬ ‪#‎dating‬ ‪#‎love‬ ‪#‎trip‬ ‪#‎datetrip‬ ‪#‎約會‬ ‪#‎感情‬ ‪#‎交友‬ ‪#‎台灣‬ ‪#‎香港‬ ‪#‎旅行‬ ‪#‎慳D啦Honey‬ ‪#‎ViuTV‬ ‪#‎感情問題