慳D啦honey – 識女仔篇
StartFragment
慳D啦honey – 識女仔篇
------------------------------------------------------------------
葉子文因病而要退出，真係好可惜，小程都感覺到無左他的比賽，好似無咁好笑……希望佢無咩大礙就好了~
⋯⋯
話說今次個Game真係好邪惡…….
竟然係溝女放題…..邪惡在唔係比你無限識女仔，而係比另一半睇住你點識女仔………….
好明顯，Edwin係超有戒心。但其實佢地都明白到係要拍節目，我估佢地一早都知道會比人偷錄架LA~
反觀健健真係一次又一次踩中陷阱，他的反應真係好真，他想識女仔既慾火真係可以燒曬成個森林…….
不過，係哩個Game入面，其實大家都會見到D “高手” 點去識女仔。
小程嘗試逐一講下，
------------------------------------------------------------------
1. 扮識得，健健打開話題的方法。而進化版係透過扮識得咁去讚美，比如: “依!?你咪係…你係咪香港小姐?” 好似好Out咁，但係有時候講到出口，就係架la~最緊要個女仔受ma~
2. 扮有同感，Edwin最叻既野。雖然觀眾們可能唔太鍾意，但另一個角度諗，佢係代入感高。係Speed dating中最易見到既情況就係，話不投機，無話題，之後就die air…..但其實每個人都好需要係溝通中獲得存在感同埋親切感。所以有代入感，投其所好，係令到對方更想同你傾落去。有人明白自己既感覺，可以溝通到，係好好好緊要。
3. 幽默，大家都見到健健同Edwin都好識得搞氣氛，哩樣野真係好殺食。殺食在好易令到個女仔會將你和快樂連成等號。一諗起你就笑，你話好唔好先~? 不過，大家要留意，幽默同白痴只係一線之差，大家可以隨便講D說話Tum人開心，但要記住，最尾一定要係兜到係讚另一半先得架。如果你覺得自己唔識得Tum人開心，咁可以點?可以分享下自己既生活逸事law~
4. 拋職業，其實小程唔太鍾意咁樣。如果真係要咁去比較，其實只不過係一個人肉市場。你有幾多身家，就可以識到邊D女仔。但愛情唔係咁樣，職業可能會係其中一項，但不應該是必須一項。你不希望對方只在意你的外形時，你也要放低自己的成見。有句歌詞係:
“莫道你在選擇人 人亦能選擇你 公平原沒半點偏心”
5. 細心，健健，Pico係握手既時候就注意到女士覺得有D凍，哩樣野真係要學。細心，真係可以加好多分。但可能好多人都覺得好難，但其實大家可以去到現場時，留意下環境，或者對方既反應。有時你可能只係察覺到，對方係有D唔妥，但係唔知咩事。可以點?直接問下佢係唔係唔舒服law, 百搭~之後係知道對方既雖求時，你地自己識做la~
------------------------------------------------------------------
其實方法仲有好多，大家要知道，識另一半就好似考應用題咁。有基本既技巧和知識，但如何融會貫通先至係最緊要。健健，Edwin無可能背定金句，之後睇一字不動咁背返出黎。其實好多時都係即時反應。
可能有人會覺得Pico呢?如果我有Edwin同埋健健咁既口才就當然得la!但我地係Pico喎，我地唔係差，只係唔識得表達自己…….小程清楚，明白。所以小程而架趕緊工，睇下今日或聽日出唔出到多一篇關於Pico既文章吧。
------------------------------------------------------------------ 網頁:http://datetripasia.wix.com/info
FB: https://www.facebook.com/datetripasia/ IG: https://www.instagram.com/datetripasia/ 電話/WhatsApp: 5536 - 2249 ------------------------------------------------------------------- #speeddating #dating #love #trip #datetrip #約會 #感情 #交友 #台灣 #香港 #旅行 #慳D啦Honey #ViuTV #感情問題
EndFragment
