【理想與現實】60%港人網上交友嫌貨不對辦 20%虛報資料

相信唔少女生都幻想過在街上碰到遇見鍾情的對象，展開一段浪漫愛情。近年不少交友app俾大家「遇見」擦身而過嘅人，但係結果往往好似老麥的包一樣，真相會令人大失所望。早前一個有關約會的調查發現，約60%人投放大量時間與網友談心，但係約出嚟見面後卻發現貨不對辦 。

該項調查訪問咗375個單身人士，約50％曾經透過交友約會App尋找情人拍拖，但20%人表示通常會提供唔正確嘅個人資料。

呢個情況唔係只限於香港，美國一項研究都發現54%嘅人認為網友填寫的個人資料，非常唔能夠反映到佢哋真實嘅形象，即係有呃人之嫌。而且，使用網上交友平台亦不時會受到陌生人嘅騷擾，特別係女性，42%嘅女用戶曾經試過1次或多次被騷擾的不愉快經歷。

其實，72%嘅港人都無法透過約會應用程式搵到合適嘅對象，近1成人都覺得現實無法搵番網上傾計嘅心動感覺。所以，虛擬戀愛同現實點都有差距，唔好被幻想掩蓋你嘅眼睛，試下走出虛擬世界，喺現實世界搵你嘅Mr. & Ms. Right啦！

小程都有唔少朋友玩過交友App，因為用交友App實在太太太方便啦；但亦正正因為太方便既原故，根本好難搵到真心希望結識另一半既朋友仔。 所以小程都同文章所建議非常一致： "試下走出虛擬世界，喺現實世界搵你嘅Mr. & Ms. Right啦！"

資料來源: