慳D啦honey - Edwin/Crushy篇

Edwin/ Crushy

比賽都去到差唔多一半，小程睇得好緊張!雖然Pico同Vera而架大大拋離其他，但小程相信製作組一定會比其他參賽者黎個大翻身既機會!!!

今日其實係想講一對情侶，就係Edwin同埋 Crushy。哩對情侶真係好現今典型港男港女關係……問題都係果幾個:

1. 缺乏溝通 哩對情侶雖然住埋一齊，但係大家都好似唔係好清楚大家咁。對於另一半既感情歷史認知就更加小…..係第3集，Crushy講起Ex 既歷史時，Edwin先如夢初醒，明白點解Crushy會咁無安全感。男生就係咁奇怪，一到手後就對另一半缺乏興趣，將所有問題都怪罪在港女性格，但從來唔問點解另一半會咁做。只係識得忍，積積埋埋就係爆出黎。所以，多D了解，多D溝通，愛情先會長久。

“盲目的包容只是蹤容的禍端”

2. 缺乏溝通技巧 唔止Edwin哩一對，健健同Rachel都係。佢地說話好直，好多負面思想。就好似昨晚，Crushy跳Pole dance時懷疑比男教師抽水，Edwin 睇到眼火爆，但Edwin唔識得表達，等Crushy跳完舞後，第一句就話 “你跳咩X野舞啊?” 其實哩句說話好負面，令人有不愉快的感覺。所以Crushy同佢講多兩句都不歡而散。但如果改左另一句呢? “今日跳得開唔開心啊?” 聽下Crushy返應先，之後再問一句 “有無留意到男教練摸你?” 再慢慢表達自己意見。以對方為先，以關懷為起點，而不是負面的情緒…….

“講說話都係想人聽，但說話講得咁難聽，那會有人聽?”

3. 硬頸

哩方面Edwin都好D，會講出自己既感受。Crushy仲係有D小朋友既感覺，佢好怕被傷害。但又唔想認衰，所以咩都話好，同Edwin好似好有共識咁，但其實佢一D都唔想咁做…….比如係第二集，Edwin同Crushy因為見家長問題鬧到喊曬，Edwin以為佢地一早有共識，暫時唔會帶另一半見家長，但原來Crushy唔係咁諗…….而另一個例子係係第三集，當Panpan問到Edwin同Crushy會唔會視對方為終身對象時，Edwin答唔係，之後Crushy好快都答左唔係………小程覺得Crushy係含住淚去講 “唔係” 哩兩個字……….講到尾，又係硬頸………

“一次又一次的口硬，把對方一步一步的推開……..”

4. 黑面

小程昨晚都嚇一跳………Crushy因為俾人話係似蝙蝠，即刻黑面…….正面睇係，你會知道佢嬲緊，起碼知道要Tum……但，其實都唔係小學生，做人可以大量一D，笑一笑咁咪算law。而且，係黑面既同時，Crushy成日會不覺意地講左一D悔氣說話 “返正我都係做開衰人架la” 搞到Edwin唔知點算好…….小程相信Crushy唔係真係咁既意思，佢只係唔想去解釋，只係覺得講左，Edwind都唔明。所以寧願講D悔氣說話去結束話題。

“悔氣說話除了可以結束對話，還可以結束一段關係……..”

小程覺得Edwin同埋Crushy之間有好多問題要去解決，可能佢地都唔將對方視為終身伴侶。但係，如果唔肯直接去面對自身既問題，承認自己既問題。其實無論第幾個情人都好，都唔會有好的結果。

Edwin，Crushy你地都要加油啊!!

網頁:http://datetripasia.wix.com/info

FB:www.facebook.com/datetripasia IG: https://www.instagram.com/datetripasia/ 電話/WhatsApp: 5536 - 2249

‪#‎speeddating‬ ‪#‎約會‬ ‪#‎愛情‬ ‪#‎感情‬ ‪#‎交友‬ ‪#‎旅行‬ ‪#‎台灣‬ ‪#‎單身‬ ‪#‎dating‬‪#‎love‬ ‪#‎香港‬ ‪#‎datetrip‬ ‪#‎慳D啦honey‬ ‪#‎viutv‬ ‪#‎Edwin #Crushy