慳D 啦 honey - Rachel篇
Rachel
其實一開始想寫健健，但睇左琴晚果集 “慳D la honey”後，就改變主意，想寫下Rachel。
Rachel都幾靚女，加上識跳舞，真係幾得人鍾意架~
大家可能覺得Rachel傻更更，成個小妹妹咁，但係鏡頭下小程都發現到佢唔小既優點。
1. 樂天，你同Rachel一齊時，你唔會唔開心。佢成日都好好笑容，你見到個靚女笑，你無理由心情會唔好掛?而且，一個識得笑既女人，係無價既。試諗下，對住個唔識笑既黑面神大半世，你既人生會變成點………….
2. 大情大勝，當你見到Rachel相處時，你會發現到佢地好似朋友，打黎打去，唔似一個大人。係訪問中，Rachel既朋友仲話佢地只係好朋友，唔似係情侶。但係小程眼中，這是兩個人的相處方式，你見到Rachel他們相處得開心，那其實又有甚麼問題?快樂那有方程式?兩個人之間相處又那有甚麼道理?開心就可以了~
3.包容，哩個係小程欣賞Rachel的另一個性格。健健一直都緬懷前度，比著其他女人，一定嘈!健健在比賽中只在意輸贏，當Rachel受傷時，健健講左句: “ 我心痛100蚊, 但也心痛佢，但我更心痛果100蚊。”比著其他女朋友，一定嘈!但Rachel呢?她只是淡淡然講了一句，佢係咁架LA~老實講，講得出哩句，如果唔係已經對另一半死心就係已經係好了解另一半。但講得出哩句，可見她的包容力。
可能有人會講:小程，個個人你都話好，你講曬LA~
小程真係覺得Rachel好好。但Rachel其實仲係一個未大透既小女孩，佢害怕婚姻，害怕責任，覺得自己未夠成熟。但小程卻覺得世界上沒有所謂的 “準備好”，返而係想唔想，適唔適合多D。
另一方面，女人好多時都心水清，唔好以為Rachel傻更更，但佢識得分邊一個係老公，邊個係男朋友。能感覺到Rachel其實係鍾意健健的，但佢都係抱住一個觀望既態度。(或者Rachel好清楚而架只係想找個玩伴，而唔係一個可結婚既對象吧。)Anyway, 健健，如果你想同Rachel白頭到老，你應該比多D信心Rachel，唔好開成開口就講話掛住前度。或者你會有好多個原因去解釋，但將心比己，你會更明白哩句說話會令人有多痛。仲有，多D care女朋友。雖然女人開口埋口話無所謂，但其實最想你關心佢。健健，娶到Rachel，10萬蚊獎金，算D咩啊~?
網頁:http://datetripasia.wix.com/info
FB:www.facebook.com/datetripasia IG: https://www.instagram.com/datetripasia/ 電話/WhatsApp: 5536 - 2249
